الباكالوريا بالتقسيط المريح

السلام عليكم و رحمة الله و بركاته
حبيت البارح نحكي شويّة على إمتحانات الباكالوريا أما الله غالب الأورديناتور عملها فيّا و تبلوكا...على كلّ حال، ليوم عملت طلّة على ت. ن بلوغز و تصدمت على خاطر حد ما كتب في الموضوع رغم اللي هو حدث وطني و الغريب في الأمر اللي فمّا ناس تحكي في حكايات تافهة جدا..جدا..جدا
و خارجة عن الموضوع جدا..جدا..جدا..جدا
و أنا بها المناسبة تندو بش نعملوا يوم سنوي للتدوين من أجل الباكالوريا
هو صحيح كلّ عام لون الباكالوريا يزيد يبلاح أكثر لكن هذا ما يمنعش بش نحكيو عليه بما أنّوا قنطرة بين المعهد و الجامعة
العام هذا شفت العجايب في المعهد متاع المنطقة (معهد أوتيك): -الباكالوريا بالتقسيط المريح
التلامذة الكل خذاو تسبقة من وسط العام، المعدلات منفوخة بالترمبة، و كملّوا للباك سبور ، ال18 و ال19 للي يتكربص و اللي ما يتكربصشي.
و المستويات تحت الزيرو
و ربيّ يهدي اللي كان السبب
اللي عملونا فئران تجارب
لحمنا التوناسة ولاّ أزرق من زرارق لي إكبيريونس
المهم.. ما نخرجشي ع الموضوع
هاو ش لقيت في جريدة شبه يومية تونسية خرجت آمس في الأيام:
تنطلق غدا اختبارات امتحان الباكالوريا في مختلف الشعب وفي 4989 مركزا موزعة على كامل ولايات الجمهورية.
ويترشح لامتحان الباكالوريا هذا العام 139 ألفا و147 تلميذا أي نقص يقارب 15 ألف تلميذا مقارنة بالسنة الماضية.
وتبلغ نسبة الفتيات 61.64 في حين تم فتح 31 مركز اصلاح و مراكز للتجميع ويستفيد كل المترشحين بامتياز النجاح بالاسعاف إذا توفرت الشروط القانونية المطلوبة وفي صورة حصولهم على معدل في امتحان الباكالوريا يتراوح بين و9.99 من 20 .
ويتمتع بالنجاح بالاسعاف كل التلاميذ والمترشحين للباكالوريا في المعاهد العمومية والمعاهد الخاصة.
ويتم اعتماد الاصلاح المزدوج بالنسبة إلى المواد الأساسية في البكالوريا وفي صورة تسجيل فارق بثلاث نقاط أو أكثر في ورقة الامتحان يتم الالتجاء الى تصحيح ثالث ويتم اصلاح أوراق الباكالوريا في كل المواد باشراف متفقدي المواد وفي اطار السرية التامة.
وتتم مداولات النجاح بين الأساتذة المصححين بمراكز الاصلاح بعد الانتهاء من تصحيح الأوراق وإسناد الاعداد.
النقص المسجل في عدد المترشحين في امتحان الباكالوريا هذا العام قد يكون في صالح الناجحين خاصة عندما يتعلق الأمر بالتوجيه الجامعي والضغط الذي شهدته الجامعة التونسية طيلة السنوات الماضية.


و في الختام
رغم قلّة ثيقتي في جدوى إمتحانات الباكالوريا و قدرتها على غربلة الباهي مل الخايب
إلا أني نتمنّى النجاح و التوفيق لكلّ من يعدّي الباك
و السلام