حريّة التعبير، هاي المحرقة بالرسمي-1-

السلام عليكم و رحمة الله و بركاته

البارح عملت طلاّ عل البلوغ متاعي، فمّاشي كومونتار ولّا حاجة، لقيت واحد يسبّ فيّا بالمقلوب و قاللي كلمة مش ولابدّ.
ياخي بأنا حقّ يسمح لروحوا بش يكتب حاجات كيما هكّا في بلاصا بوبليك ؟؟؟
ياخي حريّ التعبير تسمح للعباد بش يقلّوا حياهم ؟؟؟
ياخي ماو كي كلامي في البلوغ ما يعجبش يقوللي كلام معقول، مش يجي يعبّر على موقفوا بكلام ما يليقش .

و الظاهرة هاذي لقيتها في البلوغ سفير بصفة غريبة: الملحدين يسبّوا في الملتزمين و الملتزمين (يسامحوني) يسبوّا في الملحدين، و المعارضة تسبّ في المعاضدة و المعاضدة تسبّ في المعارضة، و عاجبوا يسبّ فللي مش عاجبوا و اللي عاجبوا يسبّ فللي مش عاجبوا، و اللي ضميروا فايق يسبّ فللي ضميروا راقد في غيبوبة و اللي ضميروا مش هوني يسبّ فللي ضميروا هوني
ماو كلّ واحد يقول رايوا بكل موضوعيّة من غير ما يهبط م السطر
أنا جيت نحسب فيها لقيت اللي الحريّة كذبة كبيرة ياسر، و اللي قال : توفا حريّتي وين تبدا حريّة غيري، عندو السخانة، على خاطر حريّة (الناس هاذوما اللي نحكي عليهم توّا) تقتل حريتي و حريّة الناس اللي تكتب تحت شعار "حريّة التعبير" اللي ما لقيناهاش في الكراسة و الستيلو.