مصيبة إختيار اللغة

السلام عليكم و رحمة الله و بركاته
زعمة الواحد يواصل باللغة العربية و لاّ يدوّرها شكشوكة...
ماو في إطار الحفاظ على الهوية الوطنية الواحد يلزموا يحكي بالتونسي و يلبس القشابية و يحط على رويّسو مشموم و يترنّم بالمالوف و التعليلة متاع راوول جورنو

و زيد الواحد كي يحكي بالتونسي لا يقعد يلوّج على هاذي توشال ولاّ ما تشالش و الهمزة فوق السطح ولاّ في قجر الكوميدينو

اللي يجيه على بالوا يكتبوا
...
و من شيرا أخرى الهوية العربية أكبر و أشمل م الهوية الوطنية
و اللغة العربية زادا لغة القرآن
و توا ولاّت لغة المسلسلات التركيّة
أما خسارة الكتيبة بالعربية الفصحى الصحيحة بالرسمي بليدة شويّة يلزمها برشا تعابير و معرفة بالنحو و الصرف و هاك الخرم الكل
هذا الكل خليناها لميخائيل نعيمة و نجيب محفوظ
...........
أحنا الشعوب خبزيست دونك خليّنا نكتبوا بلغتنا ...الدارجة

كلمات لا بدّ منها

السلام عليكم و رحمة الله و بركاته
أما بعد
فهذه المدونة ...مدونة ياسر الطرابلسي
شاب تونسي في طريقه لتجاوز عتبة الثلاثين من العمر
لا أكاد أذكر تاريخا لي ماض
و لا أكاد أستشرف مستقبلا لي قادم
لا أذكر من الماضي إلا ما تجود به عليّ الذكريات من سطور و صور سرعانما يسرقها النسيان
تظهر بسرعة ثم تمّحي بسرعة
حتى أسماء الأشخاص و الأماكن تختفي
و أما المستقبل فلا أكاد أرى له شموسا و لا أقمارا
ماض مبهم
و غد "أبهم" مطموس المعالم
لن أشيّد سورا حول بستان الكتابة
سأترك لأغصان قلمي أن يسبح في سماءات الأفكار
سوف أطلق للفكر أن ينطق بما يشاء
دونما سلاسل أو قيود

و السلام